အင်းအိုင်များစွာကို ကျော်ဖြတ်ဖူးသော်လည်း ဤမျှကျယ်ဝန်း နက်ရှိုင်းသော ရေနက်ကွင်းကြီးကို ဤတစ်ကြိမ်သာ ကျော်ဖြတ်ဖူးပါသည်။ ဤခရီးသည် ကျွန်တော့်အတွက် စွန့်စားခန်းတစ်ခု ဖြစ်ပါသည်။ ရေနက်ကွင်းထဲတွင် ဖြတ်သွားနေစဉ် ဆတ်သွားရွာ အခြေခံပညာ မူလတန်း ကျောင်းလေးကို ရေပတ်လည်ဝိုင်းလျက် တွေ့မြင်ရပါသည်။ ကျောင်းသားများ၏ ကျောင်းကြိုယာဉ်မှာ လှေလေးများ ဖြစ်သည်။ ကျောင်းသားအချို့ကို မိဘများ၊ အစ်ကိုအစ်မများက လှေလှော်၍ လိုက်ပို့ပေးပြီး အချို့က ကိုယ့်လှေ ကိုယ်လှော်၍ ကျောင်းသို့လာနေသည် ကိုတွေ့ရသည်။ ဤဒေသတွင် လှေသည် အဓိက ဆက်သွယ်ရေး ယာဉ်ဖြစ်သဖြင့် လှေမရှိလျှင် မိုးတွင်းအခါ၌ ကူးသန်းသွားလာရန် မဖြစ်နိုင်ပါ။
ကျွန်တော်၏ ခရီးဖော် ဓာတ်ပုံဆရာ ကိုအေးသိန်း(အသုတ်)က ''ရေနက်ကွင်းထဲမှာ သွားရတာ ခရီးတွင်တယ်။ ဒီခရီးကို နွေဘက်မော် တော်ကားနဲ့သွားရင် အဆင့်ဆင့်ကွေ့ရတဲ့အတွက် အချိန်သိပ်ကုန်တယ်။ လူလဲ သိပ်ပင်ပန်းတယ်၊ အခုလို ပဲ့ထောင်နဲ့သွားတော့ အသာထိုင်လိုက် သွားလို့ရတယ်၊ ကျွန်တော်ကတော့ ရေလမ်းကို ပိုကြိုက်တယ်''ဟု ပြောသည်။ ဗိုက်ဆာလာသောအခါ လှေပေါ်မှာပင် ထမင်းချိုင့်ဖွင့်စားနိုင် သဖြင့် အဆင်ပြေပါသည်။
ငဝန်မြစ်သို့ ရောက်လျှင် ကူးတို့ဖြင့် တစ်ဘက်ကမ်းသို့ ကူးလိုက်သည်နှင့် ပုသိမ်ခရိုင် သာပေါင်းမြို့နယ်၊ ကွင်းပေါက်ကျေးရွာသို့ ရောက်သွားပါသည်။ ရွာထိပ်မြစ်ကမ်းပါးပေါ်တွင် ရွှေရောင်တဝင်းဝင်းဖြင့် ဖူးမြင်ရသော စေတီလေးမှာ အောင်သိဒ္ဓိစေတီ ဖြစ်ပါသည်။ ရခိုင်ရိုးမ တောင်တန်း တောင်စွယ်များ ရေနက်ကွင်းများကို ကျောထောက်နောက်ခံပြုလျက် တည်ထားသည့် ထိုစေတီလေး၏ ပုံရိပ်နှင့် သဘာဝပတ်ဝန်းကျင် အနေအထားသည် ဆေးရောင်စုံပန်းချီကား တစ်ချပ်နှင့် တူနေပါသည်။
ဧရာဝတီမြစ်မှ ခွဲထွက်စီးဆင်း လာသော ငဝန်မြစ်သည် သမိုင်းစဉ် ရှည်လျားသော မြစ်ဖြစ်ပြီး မြစ်ကမ်း ပါးဝဲယာတွင် ပုသိမ် ၃၂ မြို့နှင့် ပတ်သက်သော သမိုင်းခြေရာများကို တွေ့နိုင်ပါသည်။ ပုသိမ် ၃၂ မြို့အနက် အများစုမှာ ယခုအချိန်ထိ ဆက်လက် တည်ရှိနေသော်လည်း အချို့မှာ မထင်မရှား ပျောက်ကွယ်သွားကြောင်း သိရပါသည်။ ကွင်းပေါက်ကျေးရွာမှ အသက် ၆ဝ နှစ်ရှိ ဦးစိန်ဝင်းက ''အောင်သိဒ္ဓိမတည်မီ ဒီဘုရားကုန်းမှာ ကိုးတောင်ပြည့် စေတီလေး တည်ခဲ့ဖူးတယ်။ စေတီတည်ဖို့ ဘုရားကုန်းကို ရှင်းလင်းတဲ့အခါ ရှေးဟောင်းအုတ်ကျိုးတွေ စုပုံထားတာတွေ့ရတယ်။ အုတ်ပုံကိုဖယ်တော့ ရုပ်ပွားတော်တစ်ဆူရဲ့ ဦးခေါင်းတော် ပေါ်လာတယ်။ ရုပ်ပွားတော် စုစုပေါင်း သုံးဆူရှိပြီး အနောက်မြောက်ဘက်ကို မျက်နှာမူနေတယ်လို့ ဘုရားလူကြီးတွေ ပြောတာမှတ်မိနေတယ်။ တင်ပလ္လင်ခွေ ရုပ်ပွားတော် သုံးဆူဟာ ဥာဏ်တော် ငါးတောင် ခြောက်တောင်လောက် မြင့်တယ်လို့ ပြောကြတယ်။ အဲဒီနေရာဟာ ရှေးဟောင်းဘုရား တစ်ဆူရဲ့ ဌာပနာတိုက်ဖြစ်ပြီး မွန်စာနဲ့ ရေးထားတဲ့ ရှေးဟောင်းအုတ်ချပ်တွေလဲ တွေ့ရတယ်လို့ အသက် ၈၈ နှစ်ရှိတဲ့ အဘဦးလှမောင် ပြောသွားတယ်''ဟု ရှင်းပြသည်။
ကွင်းပေါက်ရွာသား အသက်၆၇နှစ်ရှိ ဦးလှမြင့်ကလည်း ''အဲဒီနေရာဟာ ရှေးဟောင်းဘုရားတစ်ဆူရဲ့ ဌာပနာတိုက်ဖြစ်ပေမယ့် အဖိုးတန် ရတနာပစ္စည်းတွေ မရှိတော့ပါဘူး။ ရုပ်ပွားတော်သုံးဆူကိုတူးဖော်တဲ့အခါ မြေဆီမီးခွက် ၆ဝ ကျော်၊ ၇ဝ ကျော် တွေ့ပြီး ငွေသားဓာတ်တော်ကြုတ် တစ်ခုလဲတွေ့တယ်။ အဲဒီဓာတ် တော်ကြုတ်မှာ မွန်အက္ခရာစာတွေ ရေးထားပြီး အုတ်ချပ်တွေမှာလဲ မွန်စာပါတယ်လို့ ပြောကြတယ်။ အားလုံးကို ကိုးတောင်ပြည့်စေတီမှာ ဌာပနာလိုက်တဲ့အတွက် အထောက် အထားပြစရာ မရှိတော့ပါဘူး''ဟု ရှင်းပြပါသည်။ ထိုစဉ်က တည်ခဲ့သော ကိုးတောင်ပြည့် စေတီလေးသည် နှစ်ပေါင်း ၆ဝကျော်၊ ၇ဝ ခန့်ကြာသော်အခါ လေဒဏ်မိုးဒဏ် သဘာဝဘေးရန်ကြောင့် ပျက်စီးယိုယွင်းလာသဖြင့် ကွင်းပေါက် ရွာသားများ စုပေါင်းကာ ဥာဏ်တော် ၂၃ တောင်မြင့်သည့် အောင်သိဒ္ဓိစေတီတော်ကို ရံစေတီ ရှစ်ဆူနှင့်တကွ အသစ်တစ်ဖန် တည်ထားနိုင်ခဲ့ပါသည်။
ဤဘုရားကုန်းသည် ရှေးမွန်ဘုရင်များ၊ မွန်မြို့စားနယ်စားများ လက်ထက်ကပင် ဘုရားစေတီတည် ထားခဲ့သည့် ဘုရားကုန်းဖြစ်ကြောင်း ထင်ရှားသော်လည်း ဌာပနာတိုက်ထဲတွင် ရောက်နေသော သမိုင်း အထောက်အထားများကို နှောင်းလူများ ပြန်လည်ကြည့်ရှုခွင့် မရတော့ပါ။ ဤဘုရားကုန်းသည် ရှေးမွန်ဘုရင်များ ဘုရားတည်ခဲ့သော နေရာဖြစ်လျှင် ဘုရားအနီးရှိ ကွင်းပေါက်ရွာသည်လည်း ရှေးမွန်များနေထိုင်ခဲ့သည့် မွန်ကျေးရွာဟောင်း ဖြစ်နိုင်ပါသည်။ ဘုရားသမိုင်းနှင့် ပတ်သက်သော အထောက်အထားများ မရှိတော့သဖြင့် ရွာသမိုင်းလည်း မထင်မရှား ဖြစ်သွားခဲ့ပါသည်။ ထို့ကြောင့် ဒေသခံကျေးရွာလူကြီးများ၏ ရှင်း လင်းပြောကြားချက်များကိုသာ အကောင်းဆုံးသမိုင်းမှတ်တမ်းအဖြစ် လက်ခံခဲ့ရပါသည်။
ကွင်းပေါက်ရွာသား ဦးစိန်ဝင်း၊ ဦးလှမြင့်တို့သည် အောင်သိဒ္ဓိစေတီ တော်၏ သမိုင်းနောက်ခံကို စိတ်ပါ ဝင်စားစွာ ရှင်းပြခဲ့ပြီး လိုအပ်သော အချက်များကို အခြားရွာသားများက ဖြည့်စွက်ပြောပြကြပါသည်။ တစ်ရွာလုံး လက်ညီတက်ညီ ပြောပြခြင်း ဖြစ်သဖြင့် ကျေနပ်ဖွယ် ကောင်းလှပါသည်။ ထို့ပြင် ရွာအရှေ့ဘက်ရှိ လဟာကြီး ရေနက်ကွင်းကိုဖြတ်၍ ရိုးမတောင်ခြေရှိ တောရကျောင်းသို့ သွားရောက်လေ့လာရန် ရွာခံဦးကိုခွေးက ပဲ့ထောင်မော်တော်ဖြင့် ပို့ပေးပြီး ဦးဝင်းညွန့်၊ ဦးငြိမ်းတင်တို့ ညီအစ်ကိုကလည်း ခရီးစဉ်အစအဆုံး တက် တက်ကြွကြွ ပါဝင်ကူညီသဖြင့် အဆင်ပြေခဲ့ပါသည်။
ကျွန်တော်တို့သည် နောက်နေ့တွင် ပုသိမ် ၃၂ မြို့စာရင်းဝင် ခေနံရွာသို့ ခရီးဆက်ကြပါသည်။ ခေနံ ရွာသည် ငဝန်မြစ်အနောက်ဘက်ကမ်း တွင်ရှိပြီး ကွင်းပေါက်ရွာနှင့် ရိုးချောင်း ကလေးတစ်ခုသာ ခြားနေပါသည်။ ရှေးခေတ်က စည်ကားသော မွန်မြို့ ရွာကြီးတစ်ခုဖြစ်ပြီး ပုဂံခေတ် နရပတိစည်သူမင်းလက်ထက် ပုသိမ် ၃၂ မြို့စာရင်းတွင် အမှတ်စဉ် ၂၄ ၌ ပါဝင်ခဲ့သည်။ မူလအမည်မှာ ကျိုက်ခရံ ဟေနံဖြစ်ပြီး ဒုတိယ အမည်နှင့် တတိယအမည်မှာ ခေနံဟု တွေ့ရသည်။ ကုန်းဘောင်ခေတ် သာယာဝတီမင်း (၁၁၉၉-၁၂ဝ၈) လက်ထက်ပုသိမ် ၃၂ မြို့စာရင်း အမှတ်စဉ် ၃ဝ တွင်လည်း ခေနံဟု ပါရှိပါသည်။
ရှေးခေတ်က မွန်လူမျိုးများ နေထိုင်ခဲ့သည့် ခေနံသည် ယခုအခါ ကျေးရွာကြီးတစ်ရွာအဆင့်ဖြစ်နေ သည်ကိုတွေ့ရသည်။ ရွာထိပ်ရှိသာ သနာ့ဟိတကာရီကျောင်းတိုက်အဝင် မုခ်ဦး စင်္ကြံနှင့် ကျောင်းတိုက်ကြီး ၏ထည်ဝါခမ်းနားမှုမှာ ရွာအဆင့် မဟုတ်ဘဲ မြို့အဆင့်ဖြစ်နေကြောင်း သတိပြုမိပါသည်။ ထို့ကြောင့် ခေနံ သည် ရှေးအခါက ပုသိမ် ၃၂ မြို့ စာရင်းဝင် မြို့တစ်မြို့ဖြစ်ခဲ့သည်ဟု ယုံကြည်မိပါသည်။ ရွာအတွင်း၌ရှိသော အိမ်များမှာ မြန်မာအိမ်များနှင့် မတူဘဲ ရှေးဟောင်းမွန်အိမ်ကြီးများနှင့် တူနေကြောင်း တွေ့ရပါသည်။
ကျွန်တော်တို့ ခေနံရွာသို့ သွားခြင်းမှာ သမိုင်းဟောင်းကို တူးဖော် ရန်မဟုတ်ပါ။ ခေနံရွာတွင် တူးဖော် ရရှိထားသည့် ရှေးဟောင်းဘုရား ရုပ် ပွားတော်များကို လေ့လာမှတ်တမ်း တင်ရန် သွားရောက်ခြင်းဖြစ်ပါသည်။ ရုပ်ပွားတော်များကို ခေနံရွာအတွင်း နှစ်နေရာ၌ သီးခြားတွေ့ရှိခြင်းဖြစ်ပြီး ရုပ်ပွားတော် ၁၄ ဆူတွေ့ရှိပုံကို ဒေသခံ အသက် ၅၅ နှစ်အရွယ် ဦးကံညွန့်က ရှင်းပြပါသည်။ ဦးကံညွန့်က ''ကျွန်တော်တို့ရွာဟာ ငဝန်မြစ်ကမ်းမှာ ရှိတဲ့အတွက် မကြာခဏ ရေတက်ပါတယ်။ ဒီနေရာမှာ အရင်က အိမ်တွေရှိပေမယ့် ဘယ်သူမှ မနေနိုင်ဘဲ ပြောင်းရွှေ့သွားခဲ့ပါတယ်။ ၁၃၅၂ ခုနှစ်မှာ တန်ဆောင်တိုင်ပွဲ အတွက် မဏ္ဍပ်ထိုးဖို့ မြေတူးတော့ အလတ်စားရုပ်ပွားတော်တစ်ဆူ စတွေ့ တယ်။ အဲဒါကြောင့် လူကြီးတွေကို အသိပေးပြီး စနစ်တကျ ဆက်တူးတဲ့အခါ ခြောက်ပေအနက် အုတ်ရိုးဆုံး တော့ ရုပ်ပွားတော် ၁၄ ဆူတွေ့ရပါတယ်။ ဥာဏ်တော် အမြင့်ဆုံးက ၂၇ လက်မ ရှိပါတယ်။ အရွယ်အစား မျိုးစုံပါဝင်တာတွေ့ပါတယ်။ အုတ် ချပ်တွေက ဒီခေတ်အုတ်နဲ့ မတူဘူး။ အလယ်မှာ ချက်မပါတဲ့ လက်အုတ် တွေပါ။ ဘုရားတွေကို စနစ်တကျ အုတ်ရိုးစီပြီး မြေမြှုပ်ထားပေမယ့် နှစ်ပေါင်းများစွာ ရေတိုက်စားပြီးပေါ်လာ ခြင်းဖြစ်ပါတယ်''ဟု ရှင်းပြသည်။
ခေနံရွာတွင် ရှေးဟောင်းရုပ်ပွားတော်များ တူးဖော်ရရှိသော သတင်းကြားသောအခါ ပုသိမ်မြို့မှ ရှေးဟောင်းသုတေသန ပညာရှင်များ လာရောက်လေ့လာကြည့်ရှုခဲ့ပြီး အင်းဝခေတ်နှောင်းပိုင်းလက်ရာ ဗုဒ္ဓရုပ်ပွားတော်များဖြစ်သည်ဟု မှတ်ချက်ချခဲ့ကြောင်း သိရပါသည်။ ခေတ်တစ်ခေတ်နှင့် တစ်ခေတ် ရုပ်ပွားတော် ထုလုပ်ပုံမတူညီဘဲ အင်းဝခေတ်တွင် ထုံးကျောက်၊ ကုန်းဘောင်ခေတ်တွင် စကျင်ကျောက်ဖြင့် ထုလုပ်လေ့ရှိပါသည်။ ခေနံရွာတွင်တွေ့ရှိသော ရုပ်ပွားတော်များမှာ ထုံးကျောက်ဖြစ်သဖြင့် အင်းဝခေတ်နှောင်းပိုင်းလက်ရာဟု သတ်မှတ်ခြင်း ဖြစ်ပါသည်။
ရုပ်ပွားတော်များသည် ဥာဏ်တော်ကွာခြားသော်လည်း အားလုံးသည် ဘူမိဖဿမုဒြာများဖြစ်သည်။ ရုပ်ပွားတော်အချို့တွင် တကဲမပါသော်လည်း အများစုမှာ တကဲနှင့် ပလ္လင် တစ်ဆက်တည်း ထုလုပ်ထားကြောင်းတွေ့ရသည်။ ခေနံရွာမြောက် ပိုင်းတွင်လည်း ရုပ်ပွားတော်များ တူးဖော်ရရှိဖူးကြောင်း သိရသဖြင့်သွား ရောက်ကြည့်ရှုရာ ရုပ်ပွားတော် ၂၈ ဆူ ဖူးတွေ့ရပါသည်။ ရုပ်ပွားတော်များကို ထိန်းသိမ်းစောင့်ရှောက်နေသော အသက် ၇၅ နှစ် ရှိနေပြီဖြစ်သော ခေနံရွာသားကြီး ဦးထွန်းနုက ''ဒီရွာကို ပုသိမ် ၃၂ မြို့ စာရင်းဝင် ခေနံရွာလို့ ပြောနေကြပေမယ့် ခေမာမိဖုရား ကြီးနေခဲ့တဲ့ ခေမာမြို့ဟောင်းလို့ ရှေးလူကြီးတွေ ပြောဖူးပါတယ်။ ဒီနေရာဟာ ခေမာမြို့ဟောင်းရဲ့ နန်းဦးဘုရား ဖြစ်တဲ့အတွက် ရုပ်ပွားတော်တွေ တူးဖော်ရရှိတယ်လို့ ပြောနိုင်ပါတယ်။ ခေမာမြို့ဟောင်းနဲ့ ပတ်သက်တဲ့ အထောက်အထား မပြနိုင်ပေမယ့် မွန်တွေနေတဲ့ မွန်ရွာကြီး ဖြစ်ခဲ့တာတော့ သေချာပါတယ်၊ ခေမာမိဖုရားကြီးဟာလဲ မွန်ဘုရင်တစ်ပါးရဲ့ မိဖုရား ဖြစ်နိုင်ပါတယ်''ဟု စိတ်ဝင်စားဖွယ် ရှင်းပြပါသည်။
ကျွန်တော်သည် ငဝန်မြစ်ကမ်းပေါ်ရှိ ရှေးဟောင်းမွန်ကျေးရွာများသို့ တကူးတက သွားရောက်ပြီး အင်းဝခေတ်နှောင်းပိုင်း ရုပ်ပွားတော်များကို မှတ်တမ်းတင်နိုင်သဖြင့် ငဝန်မြစ်ကြီးကို ကျေးဇူးတင်မိပါသည်။ ငဝန်မြစ်ကြီးသည် ပုသိမ် ၃၂ မြို့အကြောင်း ကောင်းစွာသိမီသဖြင့် တစ်ချိန်ချိန်တွင် သမိုင်းမြှုပ်ကွက်များကို ထပ်မံ ဖော်ထုတ်ပေးလိမ့်မည်ဟု မျှော်လင့်နေမိပါသည်။ www.zaygwet.com
ဘသန်းတင်
ဆက်ဗ်ှ...
ကလေင်သရောပ်ထောံ...
အောင်ကျော်ခင် / ၂၃ ဇွန် ၂၀၁၀
မြန်မာစစ်အစိုးရရဲ့ ဆိုရှယ်လစ်စီးပွားရေးနဲ့ ဈေးကွက်စီးပွားရေးဟာ စာရင်းလိမ်ပြတဲ့နေရာမှာ တူတယ်။ အထက်ကအာဏာပိုင်ကို အမြဲတမ်းကြောက်ရတဲ့စနစ်မှာ အထက်လူကြီးကျေနပ်အောင် စာရင်းလိမ်ပြတာဟာ ဓလေ့ထုံးစံလို ဖြစ်နေပြီ။ ကျေးလက်ကိုဆင်းပြီး စာတမ်းကောက်ရင်လည်း အချက်အလက်ကို အမှန်အတိုင်း မှတ်တမ်းမတင်ဘဲ အထက်လူကြီးကြိုက်အောင် ရေးကြတယ်။ ဒါကြောင့် စစ်အစိုးရ စာရင်းအင်းဌာနက အချက်အလက်တွေဟာ မမှန်ဘူးလို့ ၀ါရင့်အရာထမ်းတဦးက ပြောဖူးတယ်။
အာဏာရှင်နေ၀င်းအကြိုက်လိုက်ပြီး အောက်ခြေက စာရင်းလိမ်ပြတယ်။ စာရင်းလိမ်ပြရင်း ၁၉၈၇ မှာ အဆင်းရဲဆုံးနိုင်ငံ ဖြစ်သွားတယ်။ အဆင်းရဲဆုံးနိုင်ငံအဖြစ် သတ်မှတ်ခံရရင် နိုင်ငံခြားအကြွေးမှာ အတိုးဆပ်စရာမလိုတဲ့အတွက် အဆင်းရဲဆုံး နိုင်ငံအဖြစ် သတ်မှတ်ပေးဖို့ မဆလစစ်အစိုးရက ကုလသမဂ္ဂမှာ လျှောက်ထားတယ်။ အဆင်းရဲဆုံးစာရင်းဝင်ဖြစ်ဖို့ လိုအပ်တဲ့ အချက်တွေထဲမှာ စာတတ်သူ လူကြီးဦးရေ နည်းဖို့လိုတယ်။ ဘုန်းကြီးကျောင်းပညာရေးကြောင့် မြန်မာပြည်မှာ စာတတ်သူများတော့ အဆင်းရဲဆုံးနိုင်ငံ မဖြစ်နိုင်ဘူးပေါ့။ ဒါပေမယ့် စာရင်းလိမ်ဝိဇ္ဇာ မဆလစစ်အစိုးရက စာတတ်သူ အလွန်နည်းကြောင်း စာရင်းလိမ်ပြနိုင်တဲ့အတွက် အဆင်းရဲဆုံးနိုင်ငံ စာရင်းဝင်ဖြစ်သွားတယ်။
၁၉၆၂ မှာ စစ်အာဏာသိမ်းကတည်းက ကလိမ်စေ့ငြမ်းဆင်လာတာမို့ အခုဆိုရင် စာရင်းလိမ်စီးပွားရေးသက်တမ်းဟာ (၄၈) နှစ် ရှိသွားပြီ။ စာရင်းဇယားတွေကို ကလိမ်ကလည်လုပ်လွန်းတဲ့အတွက် မြန်မာ့စီးပွားရေးကို လေ့လာသူအလွန်နည်းတယ်။ တိုင်းပြည်အ၀င်အထွက် ခက်ခဲရတဲ့အထဲ စာရင်းလိမ်ကို လေ့လာရပြန်တော့ သိပ်စိတ်မရှည်တော့ဘူးပေါ့။ ဒါတောင် လွန်ခဲ့တဲ့ မေလနဲ့ ဇွန်လအစောပိုင်းက မြန်မာ့စီးပွားရေးစာတမ်း (၂) စောင် ထွက်လာသေးတယ်။ ၀ါရှင်တန်အခြေစိုက် ငြိမ်းချမ်းရေး သုတေသနဌာန United States Institute of Peace က မြန်မာ့စီးပွားရေးအထူးအစီရင်ခံစာကို မေလမှာ ထုတ်ဝေတယ်။ ရေးသူဟာ ၀ါရင့်သုတေသီ Lex Rieffel ဆိုသူဖြစ်တယ်။ အနှစ် (၆၀) လောက် တိုးတက်မှု ဆိတ်သုဉ်းနေတဲ့ မြန်မာ့စီးပွားရေးကို သုံးသပ်ထားတာပါပဲ။
တောင်ကိုရီးယား၊ ထိုင်ဝမ်နဲ့ အင်ဒိုနီးရှားမှာ အာဏာရှင်အစိုးရလက်ထက် စီးပွားရေးတိုးတက်လာလို့ ကိုယ့်နည်းကိုယ့်ဟန်နဲ့ ဒီမိုကရေစီအသွင်ကူးပြောင်းနိုင်ကြပေမယ့် မြန်မာပြည်မှာတော့ စစ်အစိုးရဟာ စီးပွားရေးတိုးတက်ဖွံ့ဖြိုးအောင် မလုပ်နိုင်တာကြောင့် သူများနိုင်ငံလို မဖြစ်နိုင်ဘူးလို့ Lex Rieffel က ဆိုတယ်။ ဒါကြောင့် ပထမဆုံးအုပ်ချုပ်ရေး ကောင်းမွန်ဖို့သာ အပြည်ပြည်ဆိုင်ရာ အသိုင်းအ၀ိုင်းက တိုက်တွန်းရမယ်လို့ဆိုတယ်။ တိုင်းပြည် တိုးတက်ဖွံ့ဖြိုးရေးမှာ ပုဂ္ဂလိက လုပ်ငန်းကဏ္ဍဟာ အဓိကကျပေမယ့် နေရာတကာချုပ်ကိုင်တဲ့ နအဖဟာ ကောင်းမွန်တဲ့ ပုဂ္ဂလိကကဏ္ဍ ရှင်သန်ကြီးထွားလာအောင် ဘယ်လိုလုပ်ရမှန်းမသိ ဖြစ်နေတယ်။ ဒါကြောင့် အစိုးရအဖွဲ့အစည်းထဲမှာ လုပ်ရည်ကိုင်ရည် ရှိလာပြီး ချုပ်ချယ်ကန့်သတ်မှုတွေကို ရုပ်သိမ်းမှသာလျှင် မြန်မာ့စီးပွားရေးအလားအလာ ကောင်းမှာဖြစ်ကြောင်း ၂၀၁၀ မြန်မာ့စီးပွားရေးအထူးစာတမ်းမှာ ဖော်ပြထားတယ်။
မြန်မာ့စီးပွားရေးစောင့်ကြည့်ရေးအဖွဲ့ အခြေစိုက်တဲ့ သြစတြေးလျနိုင်ငံ ဆစ်ဒနီမြို့ Macquarie တက္ကသိုလ် ဘောဂဗေဒဌာန ပါမောက္ခ Sean Turnell ကတော့ နအဖရဲ့ ကလိမ်ခြုံစောင်ကို ဖယ်ရှားပြီး အတွင်းသရုပ်ကို လေ့လာထားတဲ့စာတမ်းကို မီးမောင်းထိုးပြတာပါပဲ။ မြန်မာ့စီးပွားရေး (၁၀) ရာခိုင်နှုန်းနဲ့ (၁၄) ရာခိုင်နှုန်းအကြား တိုးတက်တယ်ဆိုတဲ့ နအဖစာရင်းလိမ်ကို အရင်ဆုံးဖြေရှင်းထားတယ်။ စီးပွားရေး တိုးတက်ဖွံ့ဖြိုးလာရင် လောင်စာစွမ်းအင်သုံးစွဲမှုကလည်း တိုးပွားလာတာသဘာဝပါ။ ဒါပေမယ့် မြန်မာပြည်မှာတော့ နအဖရဲ့ စီးပွားရေးတိုးတက်မှုနှုန်းထား မြင့်မားနေပြီး ဓာတ်ဆီနဲ့ လျှပ်စစ်ဓာတ်အားသုံးစွဲမှုနှုန်းက အလွန်နိမ့်ကျနေတာကြောင့် စာရင်းလိမ်တိုးတက်မှုဖြစ်တာ ထင်ရှားတယ်တဲ့။
စစ်အစိုးရရဲ့ စာရင်းလိမ့်ဓလေ့ကြောင့် မြန်မာ့စီးပွားရေးတိုးတက်မှုနှုန်းကို ခန့်မှန်းရတာဟာ အလွန်ခက်တယ်။ Sean Turnell
ကတော့ အကြောင်းသိမို့ စီးပွားရေးတိုးတက်မှုနှုန်းဟာ (၂) သို့မဟုတ် (၃) ရာခိုင်နှုန်းလောက်ပဲ ရှိနိုင်တယ်လို့ တွက်ပြတယ်။ မြန်မာနိုင်ငံသားတဦးရဲ့ တနှစ်ထုတ်လုပ်မှုဟာ (၄၃၅) ဒေါ်လာသာရှိတာကြောင့် အာဆီယံနိုင်ငံတွေထဲမှာ အနည်းဆုံးဖြစ်တယ်လို့ဆိုတယ်။ သဘာဝဓာတ်ငွေ့ရောင်းလို့ရတဲ့ငွေတွေကို တိုင်းပြည်တိုးတက်ဖွံ့ဖြိုးရေးအတွက် အသုံးမပြုတာကိုလည်း အစီရင်ခံစာ (၂) ခုစလုံးက ထောက်ပြတယ်။ ဓာတ်ငွေ့ရောင်းလို့ရတဲ့ငွေကို နိုင်ငံ့ငွေစာရင်းမှာ အကုန်လုံး ဖော်ပြထားတာမဟုတ်ပါဘူး။ ပြည်တွင်းမှာ စာရင်းလိမ်ပြပြီး ဓာတ်ငွေ့ကရတဲ့ ငွေအတော်များများ နိုင်ငံခြားဘဏ်တွေမှာ အမည်အမျိုးမျိုးနဲ့ အပ်နှံထားတယ်လို့ဆိုတယ်။
စာရင်းလိမ်စီးပွားရေးစနစ်မှာ နိုင်ငံခြားကုမ္ပဏီတွေ မျက်စိကျနေတာဟာ သဘာဝသယံဇာတ ထုတ်ယူတဲ့ လုပ်ငန်းဖြစ်တယ်။ နိုင်ငံခြားအရင်းအနှီးနဲ့ အတတ်ပညာနဲ့ အလုပ်သမားတွေ ၀င်လာကြပြီး ဓာတ်ငွေ၊ ဓာတ်သတ္တု၊ ရေနံ၊ ကျောက်မျက်၊ ရေအားလျှပ်စစ် စတာတွေကို ထုတ်ယူကြတာဟာ မြန်မာပြည်သားတွေ အကျိုးမခံစားရပါဘူး။ အင်္ဂလိပ်ကိုလိုနီခေတ်က အတိုင်းပါပဲ။ အင်္ဂလိပ်နေရာမှာ စစ်ဗိုလ်ကို အစားထိုးကြည့်လိုက်ရင် ကွက်ကွက်ကွင်းကွင်းပေါ်ထွက်လာတယ်။ ဒါပေမယ့် အင်္ဂလိပ်ဟာ မြန်မာစစ်ဗိုလ်လို ဒို့တာဝန်အရေးတွေနဲ့ လိမ်ညာနေတာမဟုတ်တော့ မြန်မာတွေ မစားရမှန်းသိတယ်။ နအဖကတော့ သဘာဝသယံဇာတကို နိုင်ငံခြားရောင်းစားပြီး အိတ်ထဲထည့်တာကို စာရင်းလိမ်ထားတော့ ပြည်သူတွေအဖို့ မစားရ၀ခမန်း ဖြစ်ကုန်တာပေါ့။ ဒါကြောင့် တရုတ်၊ ပြင်သစ်၊ ထိုင်းနဲ့ တောင်ကိုရီးယားကုမ္ပဏီတွေ သယံဇာတ ထုတ်ယူနေတာဟာ မြန်မာ့အနာဂတ်အတွက် မကောင်းတဲ့ အလားအလာပဲဖြစ်တယ်။
စာရင်းလိမ်စနစ်နဲ့ အစိုးရနှောင့်ယှက်မှုကင်းတဲ့ ကောက်ပဲသီးနှံကဏ္ဍမှာ အောင်မြင်နေပုံကိုလည်း Sean Turnell က ဖော်ပြထားတယ်။ ၂၀၀၉/၂၀၁၀ ဘဏ္ဍာရေးနှစ်မှာ မြန်မာပြည်ထွက်ပဲမျိုးစုံ (၈၄) ရာခိုင်နှုန်းကို အိန္ဒိယက ၀ယ်သွားတယ်။ တရုတ်ပြည်ကိုလည်း နယ်စပ်လမ်းကြောင်းက တင်ပို့တယ်။ အိန္ဒိယနဲ့တရုတ်မှာ ပဲအထွက်နည်းသွားတာဟာ မြန်မာအတွက် အခွင့်အလမ်းဖြစ်တယ်။ စစ်အစိုးရ ၀င်မရှုပ်မချင်း ပဲရောင်းလို့ ကောင်းနေမယ့်ပုံပါပဲ။ တချိန်က ကမ္ဘာပေါ်မှာ အများဆုံးတင်ပို့ခဲ့တဲ့ ဆန်လုပ်ငန်းဟာ စစ်အစိုးရ ၀င်ရှုပ်လိုက်တဲ့နောက်ပိုင်း ဈေးကွက်ပျောက်ပြီး ဆန်ကွဲတင်ပို့ခဲ့တဲ့အဆင့် ဖြစ်သွားတယ်။
နိုင်ငံခြားဝင်ငွေအများဆုံးက သဘာဝဓာတ်ငွေ့၊ ဒုတိယအများဆုံးက ပဲမျိုးစုံ၊ တတိယက ကျွန်းသစ်နဲ့ သစ်မာဖြစ်တယ်။ ဒါကြောင့် ပဲလုပ်ငန်းထဲမှာ နအဖအသိုင်းအ၀ိုင်းက ပုဂ္ဂိုလ်တွေ ပါနေမှာ သေချာတယ်။ အ၀တ်အထည်လုပ်ငန်းက စတုတ္ထ၀င်ငွေ အများဆုံးဖြစ်ပြီး ဆန်က နံပါတ် (၅) အဆင့်က လိုက်နေတယ်။ အ၀တ်အထည်ကို ဂျပန်နဲ့ဥရောပကို တင်ပို့တယ်။ ကျွန်းသစ်နဲ့ သစ်မာတင်ပို့တာဟာ ငွေရပေမယ့် သဘာဝပတ်ဝန်းကျင် ပျက်စီးစေတဲ့အတွက် ဒေသခံလူ့အဖွဲ့အစည်းကို ထိခိုက်နစ်နာစေတယ်။ သစ်နဲ့ကျောက်မျက်ကို တရုတ်ပြည်က အများဆုံးဝယ်ယူတယ်။ မြန်မာပြည်ကို စားသုံးကုန်ပစ္စည်း အများဆုံးရောင်းချနေသူဟာ တရုတ်၊ ထိုင်းနဲ့၊ စင်ကာပူဖြစ်တယ်။
၁၉၆၂ မှာ စစ်အစိုးရတက်လာပြီး စာရင်းလိမ်စီးပွားရေးစနစ် စတင်ကျင့်သုံးချိန်ကစပြီး လက်ရှိ စစ်အစိုးရလက်ထက်အထိ ပေးဆပ်စရာရှိတဲ့ နိုင်ငံခြားအကြွေးဟာ အမေရိကန်ဒေါ်လာ သန်း (၈,၁၀၀) ရှိတဲ့အတွက် နိုင်ငံလုံးဆိုင်ရာ ထုတ်လုပ်မှုရဲ့ (၃၀) ရာခိုင်နှုန်းဟာ အကြွေးဖြစ်ကြောင်း Sean Turnel က တွက်ပြထားတယ်။ မဆလခေတ်က ကြွေးဟောင်းက သန်း (၃,၅၉၄) ရှိပြီး ကြွေးသစ်က သန်း (၄,၅၀၆) ရှိတယ်။ ကြွေးဟောင်းမှာ ဂျပန်ကို ဒေါ်လာသန်း (၂,၂၀၀)၊ ဂျာမဏီကို သန်း (၃၅၀)၊ အာရှဖွံ့ဖြိုးရေးဘဏ် (အေဒီဘီ) ကို သန်း (၃၂၅)၊ ကမ္ဘာ့ဘဏ်ကို သန်း (၇၁၉) ပေးစရာရှိတယ်။ အကြွေးမဆပ်နိုင်လို့ နောက်ထပ်မချေးတာဖြစ်တယ်။ ကြွေးသစ်ထဲမှာတော့ တရုတ်က အများဆုံးဖြစ်မှာ သေချာတယ်။ နအဖမှာ ဒေါ်လာငွေလက်ကျန် ဒေါ်လာသန်း (၅,၀၀၀) ကျော် ရှိရဲ့သားနဲ့ မဆလကြွေးဟောင်းကို မဆပ်တာပါ။
ဗိုလ်နေ၀င်းဦးဆောင်တဲ့ မဆလအစိုးရရဲ့ နိုင်ငံခြားအကြွေးတွေကို နောက်တက်တဲ့ ဗိုလ်သန်းရွှေဦးဆောင်တဲ့ နအဖအစိုးရက မဆပ်တဲ့သဘောဖြစ်နေတယ်။ ကြွေးဟောင်းတွေကိုမဆပ်လို့ မြန်မာအစိုးရကို အေဒီဘီနဲ့ကမ္ဘာ့ဘဏ်က ငွေချေးဖို့ မစဉ်းစားတာပါ။ တကယ်တော့ ဘဏ် (၂) ခုကို ဆပ်ရမယ့်အကြွေးက ဒေါ်လာသန်း (၁၀၄၄) သန်းသာရှိလို့ နအဖအုပ်စု ခိုးထားတဲ့ ငွေလောက် မများပါဘူး။ နောက်တင်တဲ့အကြွေးသစ်ဟာ တရုတ်ကိုဆပ်ရမှာဖြစ်လို့ မဆပ်နိုင်ရင် တရုတ်အလိုကျ လိုက်လျောဖို့သာ ရှိပါတော့တယ်။ မြန်မာပြည်မှာ စစ်ခေါင်းဆောင်တွေ ကြီးစိုးနေသမျှ စာရင်းလိမ်စီးပွားရေးအဆင့်ထက်ပိုပြီး တိုးတက်စရာအလားအလာမရှိကြောင်း သုံးသပ်ထားတာကို တွေ့ရပါတယ်။ Source
ဆက်ဗ်ှ...
ကလေင်သရောပ်ထောံ...
Saturday, 06 March 2010 16:23 ဧရာဝတီ
E-mail Print
ဗြိတိန်နိုင်ငံ အခြေစိုက် မြန်မာ့အရေး လှုပ်ရှားမှုအဖွဲ့ (Burma Campaign UK) တွင် နိုင်ငံတကာ ဆက်ဆံရေး တာဝန်ခံအဖြစ် ဆောင်ရွက်နေသူ ဇိုယာဖန်းကို မကြာသေးခင်က World Economic ForumကYoung Global leader အရွေးချယ် ခံခဲ့ရခြင်းနှင့် ပတ်သက်ပြီး ဧရာဝတီ သတင်းထောက် ကိုထွေးက ဆက်သွယ် မေးမြန်းထား သည်များကို ဖော်ပြလိုက်ပါသည်။
အသက်၂၉ နှစ် ရှိ ဇိုယာဖန်းသည် နှစ်ပေါင်း ၆၀ ကျော် မြန်မာစစ်အစိုးရကိုတော်လှန်တိုက်ခိုက်နေသည့် ကရင်တိုင်းသား အဖွဲ့ တဖွဲ့ဖြစ်သော ကရင်အမျိုးသား အစည်းအရုံး(KNU) အထွေထွေ အတွင်းရေးမှူးဟောင်း ဖဒိုမန်းရှာ(ကွယ်လွန်)၏ သမီးဖြစ်သည်။
ဖဒိုမန်းရှာသည် ၂၀၀၈ ခုနှစ် ဖေဖော်ဝါရီ ၁၄ ရက်နေ့က ထိုင်းမြန်မာ နယ်စပ် တနေရာတွင် အမည်မသိ သေနတ် သမားများ၏ လုပ်ကြံမှုကြောင့် ကွယ်လွန် ခဲ့ရခြင်း ဖြစ်သည်။
ဇိုယာဖန်းသည် လက်ရှိတွင် ဗြိတိန်နိုင်ငံ လန်ဒန်မြို့၌ နေထိုင်လျက် မြန်မာ့ ဒီမိုကရေစီ အရေး၊ လူ့အခွင့်အရေး ဆိုင်ရာများကို လှုပ်ရှား ဆောင်ရွက်နေပြီး Little Daughter: A memoir of survival in Burma and the west အမည်ရှိ သူ၏ ဘ၀ ဖြတ်သန်းမှု အတွေ့ အကြုံများကို ရေးသား ထားသော စာအုပ် တအုပ်ကိုလည်း ထုတ်ဝေထားသည်။
မေး။ ။ World Economic Forumကပေးတဲ့ Young Global leader အရွေးချယ်ခံရတဲ့ အတွက် ဘယ်လိုခံစားရပါလဲ။ ဘာပြောချင်လဲ။
ဖြေ။ ။ ကျမပျော်ရွှင်ပြီးတော့ ကျေနပ်မိပါတယ်၊ ဒါက ကျမရဲ့အောင်မြင်တဲ့ လှုပ်ရှားမှုတွေကို ဖော်ပြတာလည်း ဖြစ်နိုင်တယ်၊ ပြီးတော့ ကျမရဲ့လှုပ်ရှားမှုတွေက အဓိကအားဖြင့် မြန်မာနိုင်ငံမှာရှိတဲ့ ပြည်သူလူထု အားလုံး အတွက်ပေါ့နော် ဒီမိုကရေစီရေးရော၊ လူ့ အခွင့် အရေးရော တိုင်းရင်းသား လူမျိုးစုတွေအားလုံးအတွက် ဖြစ်လို့ ကျမ၀မ်းသာမိ ပါတယ်။
ပြည်တွင်းမှာ နေလို့မရလို့သာ လောလောဆယ် ဗြိတိန်မှာ အခြေစိုက်နေပေမယ့် မြန်မာပြည်အရေးကို Burma Campaign UK နဲ့ လှုပ်ရှားနေပါတယ်၊ ပြည်ပမှာရောက်နေတဲ့ လူငယ်တယောက်အနေနဲ့ပေါ့နော် ကျမရဲ့တိုင်းပြည်ကို ဘယ်တော့မှ မမေ့ပါဘူး၊ အဲဒါကြောင့် အခြား လူတွေနဲ့ တွဲလုပ်ပြီးတော့ လုပ်ရင်းနဲ့ အောင်မြင်မှုတွေ ပိုရလာတယ်လို့ ကျမ ပြောချင်ပါတယ်။
မေး။ ။ ဆုချီးမြှင့်ခြင်းခံရတဲ့ အတွက် မြန်မာ့နိုင်ငံရေးကို ဘယ်လို အကျိုးရလဒ်တွေ ရလာနိုင်လဲ။
ဖြေ။ ။ ပထမအဆင့်အနေနဲ့ မြန်မာပြည်အကြောင်းကို တခါမှ မသိဘူးတဲ့လူတွေက မြန်မာပြည်အရေးကို ပိုသိလာမယ်၊ ပိုနားလည် လာမယ်၊ ဒီ Young Global leader ဆုကနေ တဆင့်ပေါ့၊ အဲဒါဘာဖြစ်လဲဆိုတော့ အစည်းအဝေးတွေမှာ တက်ရောက်လာတဲ့ နိုင်ငံရေး ခေါင်းဆောင်ရော၊ စီးပွားရေး ခေါင်းဆောင်တွေနဲ့ သွားတွေ့ပြီးတော့ မြန်မာပြည် အကြောင်းကို ပြောပြခွင့်ရမယ်၊ တင်ပြခွင့်ရမယ်၊ ဆွေးနွေးခွင့်ရမယ်၊ ဒါကြောင့် မြန်မာပြည်အရေးကို သူတို့ ပိုပြီးတော့မှ သိလာမယ်။
ဒုတိယ အဆင့်ကတော့ သိလာရင် သူတို့ ဘာတွေ ကူညီရမလဲဆိုတာကို ဆုံးဖြတ်မယ်၊ သူတို့ လုပ်ပေးနိုင်တဲ့ အပိုင်းကတော့ ဒုက္ခသည်တွေကို လူသားခြင်း စာနာထောက်ပံ့မှု အကူ အညီ ပေးလို့ရတယ်၊ သူတို့ရဲ့ အစိုးရအသီးသီးကို စစ်အစိုးရအပေါ်မှာ ထိရောက်တဲ့ ဖိအားပေးမှုတွေ လုပ်ပေးဖို့ တောင်းဆိုပေးလို့ရတယ်၊ ပြီးတော့ ကျမတို့ရဲ့ လှုပ်ရှားမှုတွေကို ကူညီပေးလို့ရတယ်။
မေး။ ။ မြန်မာပြည်က လူ့အခွင့်အရေး ချိုးဖောက်ခံရတဲ့ မြန်မာအမျိုးသမီးတွေနဲ့ ပတ်သက်ပြီးတော့ ဘာပြောစရာရှိလဲ။
လက်ရှိ နယူးယောက်မှာ လုပ်နေတဲ့ သူတို့ရဲ့လှုပ်ရှားမှုအပေါ် ဘယ်လိုထင်လဲ။
ဖြေ။ ။ ကျမအမြင်ဆိုရင် အရင်တုန်းကထက်စာရင် မြန်မာပြည်မှာ အမျိုးသမီးတွေက အခုဆိုရင် တော်တော်လေး ပြောင်းလဲလာပြီ၊ အရင်တုန်းက ဆိုရင် ကျမတို့က ခံရတဲ့သူတွေ အနေနဲ့ပဲ၊ ဒါပေမယ့် အခုကျတော့ အမျိုးသမီးတွေက ခံရတဲ့သူတွေ မဟုတ်တော့ဘူး၊ သူတို့က ထပြီးတော့ စကားပြောလာတယ်၊ စစ်အစိုးရကို သူတို့ ပြန်ပြီးတော့ အရေးယူနိုင်အောင် နိုင်ငံတကာကိုလည်း သူတို့ အသိပေးပြီ၊ ဥပမာ နယူးယောက်မှာလုပ်တဲ့ဟာက တကယ့်ကို ကောင်းတဲ့ပွဲပဲ။
စစ်အစိုးရ လုပ်တဲ့ဟာက တကယ်ကို နိုင်ငံတကာက ဥပဒေကို ချိုးဖောက်နေတယ်၊ လူ့အခွင့်အရေးကို ချိုးဖောက်နေတယ်၊ ပြီးတော့ ပြည်တွင်းထဲမှာရှိတဲ့ တိုင်းရင်းသား လူနည်းစုတွေကိုလည်း တိုက်ခိုက်နေတယ်။
အရှေ့ပိုင်းဒေသမှာရှိတဲ့ ကရင်ပြည်နယ်၊ ရှမ်းပြည်နယ်၊ ကရင်နီပြည်နယ်တွေမှာ စစ်အင်အားသုံးပြီးတော့ ပြည်သူလူထုကို နှိပ်စက်နေတယ်၊ အိုးအိမ်ရွာတွေကို သူတို့ ဖျက်ဆီးတယ်၊ မီးရှို့တယ်၊ အမျိူးသမီးတွေကို မုဒိမ်းကျင့်နေတယ်၊ လူထုကို ပေါ်တာ အဖြစ်ဆွဲတယ်၊ အတင်းအဓမ္မ အလုပ်လုပ်ခိုင်းတယ်၊ သတ်တယ်၊ ဖြတ်တယ်၊ ပစ်ခတ်တယ်၊ အဲဒါတွေက နိုင်ငံတကာရဲ့ လူ့အခွင့် အရေးကို ချိုးဖောက်နေတာ၊ အဲဒါကြောင့် အခု အမျိုးသမီးအဖွဲ့ချုပ်( မြန်မာနိုင်ငံ)နဲ့ Nobel Women Initiative အဖွဲ့ ဖွဲ့ပြီးတော့ စစ်အစိုးရကို နိုင်ငံတကာကနေ ထိရောက်စွာ အရေးယူဖို့ ကြိုးပမ်းလုပ်နေတာကို ကျမက တကယ်ကို သဘောကျတယ်၊ အားလည်း အားပေးတယ်။
မေး။ ။ မြန်မာပြည်က လူငယ်ထု အမျိုးသမီးထုက နိုင်ငံရေးမှာ ပါဝင် လှုပ်ရှားမှု နည်းနေတာနဲ့ ပတ်သက်ပြီး ဘာပြောချင်လဲ။
ဖြေ။ ။ အဲဒါက ကျမတို့ အရင်ကတည်းက မြန်မာပြည်ရဲ့ သဘာဝပေါ့နော်၊ ယဉ်ကျေးမှုပေါ့နော်၊ အမျိုးသမီးတွေက အများအားဖြင့် အိမ်မှာပဲ နေတယ်၊ သားသမီးတွေကို ထိန်းကျောင်းတယ်၊ အိမ်အလုပ်တွေပဲ လုပ်တယ်၊ ဒါပေမယ့် အခုကျတော့ အခြေအနေက ပြောင်းလဲလာပြီ၊ အမျိုးသမီးတွေက နိုင်ငံရေးဘက်မှာ လှုပ်ရှားမှုတွေရှိသလို နည်းတော့ နည်းသေးပါတယ်၊ ဒါပေမယ့် လူမှုရေး ဘက်မှာ အများကြီး ရှိပါတယ်၊ အမျိုးသမီးကဏ္ဍမှာရော၊ လူငယ်ကဏ္ဍမှာရော တော်တော်များများ ရှိပါတယ်။
ရှမ်းပြည်နယ်တို့၊ ကရင်ပြည်နယ်မှာတို့ မှာ ဖြစ်ပျက်နေတဲ့ ဖြစ်ပျက်မှုတွေ တကယ့် သတင်းတွေကို နိုင်ငံတကာမှာ ရောက်အောင် ထုတ်နေတဲ့ အဖွဲ့ အစည်းတွေက အများအားဖြင့် အမျိုးသမီး အဖွဲ့အစည်းတွေပါ၊ အဲဒါတွေကို အမျိုးသမီးတွေက ဖော်ပြနိုင်ခဲ့တယ်၊ ဥပမာ- Shan Women Action Network၊ ကရင် အမျိုးသမီးအဖွဲ့။ အဲဒါကြောင့် ကျမအမြင်မှာ ဒီလိုမျိုး တဖြည်းဖြည်း ပြောင်းလဲမှု တွေ့ရတော့ နောက်ပိုင်းမှာ အမျိုးသမီးပါဝင်မှု ပိုများလာမယ်လို့ ကျမ မြင်ပါတယ်။
မေး။ ။ ပြည်တွင်း၊ ပြည်ပ မှာရှိတဲ့ မြန်မာ လူငယ်တွေကို ဘာပြောချင်လဲ၊ ဘာအကြံဉာဏ်တွေ ပေးချင်လဲ။
ဖြေ။ ။ ကျမ အဓိက ပြောချင်တာကတော့ အခုလက်ရှိ ကျမတို့ မြန်မာပြည်အခြေအနေကို ပြန်ကြည့်ရမယ်ဆိုရင် အခြေအနေက မပြောင်းလဲသေးတော့ ပိုပြီးတော့ ဆိုးလာတယ်၊ လူထုက အရမ်းဒုက္ခခံရတယ်၊ ဆင်းရဲတယ်၊ အဲသလိုပြန်ကြည့်ရတဲ့ အခါမှာ ပြည်တွင်းမှာရှိတဲ့ လူငယ်တွေရော ပြည်ပမှာရှိတဲ့ လူငယ်တွေရော လူကြီးတွေနဲ့ အတူတွဲပြီးတော့ တိုင်းပြည်ရဲ့ ပြောင်းလဲမှု တခုခု ဖြစ်လာနိုင်အောင် ကျမတို့ အကုန်လုံး ပူးပေါင်း လုပ်ဆောင်ရမှာ၊ ကချင်၊ ကရင်၊ ရှမ်းဖြစ်ဖြစ် အားလုံးပေါင်းပြီးတော့ ကျန်တဲ့လူမျိုးစု တွေနဲ့ ပေါင်းပြီးတော့ ကျမတို့လုပ်ဆောင်ရမယ်၊ စစ်အာဏာရှင်ကို အမြန်ဆုံးကျဆုံးသွားအောင် လုပ်ဆောင်ရမယ်။
ဒီအတိုင်းဆိုရင် တိုင်းပြည်က ဒီထက်ပိုပြီးတော့ပျက်စီးနိုင်တယ်၊ မျက်စိတွေ၊ နားတွေ ဖွင့်ပြီးတော့ တိုင်းပြည်အတွက် အကျိုးရှိမယ့် အရာ တခုခု လုပ်ပေးပါလို့ ကျမက တောင်းဆိုချင်ပါတယ်။
မေး။ ။ နိုင်ငံတကာကလူငယ်တွေနဲ့ မြန်မာလူငယ်တွေကြားထဲမှာဘယ်လိုကွာဟ ချက်တွေရှိလဲ။
ဖြေ။ ။ ပြည်တွင်းထဲမှာရှိတဲ့ လူငယ်တွေရော တိုင်းရင်းသားနယ်မြေမှာရှိတဲ့ လူငယ်တွေရော အများအားဖြင့် သူတို့မှာ အခွင့်အရေး တွေ မရှိပါဘူး၊ ဖြစ်နိုင်တဲ့ လူငယ်တွေ အများကြီးရှိပါတယ်၊ လုပ်ချင်တဲ့ ဆန္ဒတွေရှိတယ်၊ ဒါပေမယ့် အခွင့်အရေးမရှိတော့ သူတို့ဘာမှ သိပ်မလုပ်နိုင်ဘူး၊ တချို့ဆိုရင် ဒုက္ခသည် စခန်းမှာမွေးပြီးတော့ ကြီးလာတယ်၊ ကြီးလာလည်း ဒုက္ခသည်စခန်းမှာ နှစ် ၂၀ ကျော်လောက်ရှိပြီ ရှေ့ရေးအတွက် သူတို့ ဘာလုပ်ရမယ်ဆိုတာလည်း မသိဘူး၊ ကျမတို့တိုင်းပြည်က လူငယ်တွေအတွက် အခွင့်အရေး သိပ်မရှိပေမယ့် ကြိုးစားတဲ့သူတွေအတွက်အောင်မြင်မှုရနေတယ်ဆိုတာကို မြင်ရတယ်။
မေး။ ။ အာဖရိကတိုက် တန်ဇန်းနီးယားနိုင်ငံမှာ ဆုရတဲ့သူတွေအားလုံး မေလ ပထမ အပတ်မှာ ဆုံရင်ဘာပြောဖို့ စီစဉ်ထားပါ သလဲ။
ဖြေ။ ။ အဓိက ကျမ ပြောချင်တာကတော့ အခု မြန်မာပြည်ရဲ့ လက်ရှိ အခြေအနေပါ။ ဘာဖြစ်လို့လဲ ဆိုတော့ အဲဒီမှာ တက်ရောက်လာမယ့်သူတွေ၊ ခေါင်းဆောင်တွေက မြန်မာပြည်အကြောင်းကို သိပ်ပြီးတော့ သိကြမှာ မဟုတ်ဘူး။
မေး။ ။ အနာဂတ်မှာ ဘာတွေလုပ်ဖို့ ရည်ရွယ်ထားပါသလဲ။
ဖြေ။ ။ ပထမပိုင်းက မြန်မာပြည်လူ့အခွင့်အရေး၊ ဒီမိုကရေစီအရေး တို့အတွက် Burma Campaign UK ကနေ နိုင်ငံတကာ လှုပ်ရှားမှုတွေ လုပ်မှာပါ။
ဒုတိယပိုင်းကတော့ လူသားချင်း စာနာမှု ဆိုင်ရာ အကူအညီတွေနဲ့ ပတ်သက်တယ်။ ကျမ အဖေ၊ အမေအတွက် ကျမတို့ ညီအစ်ကို မောင်နှမတွေ ထူထောင်ထားတဲ့ ဖန်း ဖောင်ဒေးရှင်း ဆိုတဲ့ လူမှုရေးအသင်းကို ကျမတို့က ကရင်ပြည်နယ်မှာ လောလောဆယ် လုပ်ဖြစ်ပါတယ်။ ကရင်ပြည်နယ်မှာ ရှိတဲ့ ဒုက္ခရောက်နေတဲ့ ပြည်သူတွေရဲ့ ကျန်းမာရေး နဲ့ ပညာရေးအတွက် လုပ်ပေးဖို့၊ ပြီးတော့ ကရင်တိုင်းရင်းသားတို့ရဲ့ ယဉ်ကျေးမှုကို ပြန်လည် ထိန်းသိမ်း မြှင့်တင်နိုင်ဖို့ ရှိသလို ရှေ့ဆက်ပြီး လုပ်ဆောင်သွားမှာ ဖြစ်တယ်။ ပြီးတော့ တဆက်တည်းမှာပဲ ဗြိတိန်မှာ ရောက်နေတဲ့ ကရင် ဒုက္ခသည် ၅၀၀ ၀န်းကျင်အတွက် ကျမက ဗြိတိန်မှာ ရှိတဲ့ Karen Community Association ဆိုတဲ့ ကရင်အဖွဲ့အစည်းကနေ ဖွံဖြိုးရေး လုပ်ငန်းတွေ လုပ်ဆောင်ဖို့ ရှိပါတယ်။ အဲဒါကတော့ ကျမရဲ့အခြေခံ အလုပ်အကိုင်တွေပေါ့နော်။
မြန်မာပြည်မှာ လုပ်မယ့် ၂၀၁၀ ရွေးကောက်ပွဲကို ဥရောပနိုင်ငံတွေက အသိအမှတ် မပြုဖို့၊ မထောက်ခံဖို့ ကျမတို့ ရှေ့ဆက်ပြီး တော့ လှုပ်ရှားမှုတွေ ဆက်လုပ်မယ်။ ဥရောပသမဂ္ဂကနေ စစ်အာဏာရှင်တွေကို ဒီထက်ပိုပြီး ပိတ်ဆို့မှုတွေ လုပ်နိုင်ဖို့ တောင်း ဆိုတယ်။ ပြီးတော့ တဆက်တည်းမှာပဲ နိုင်ငံတကာက မြန်မာစစ်အစိုးရကို လက်နက်ရောင်းချပေးတာတွေကို ရပ်ဆိုင်းဖို့၊ ပြည်တွင်းမှာ ရှိတဲ့ ဒုက္ခရောက်နေတဲ့ ပြည်သူတွေအတွက် လူသားချင်း စာနာမှု အကူအညီပေးဖို့အတွက် ကျမတို့က ဗြိတိန် အစိုးရကို တောင်းဆိုတယ်။ ပြီးတော့ ဥရောပကော်မရှင်ကိုလည်း တောင်းဆိုတယ်၊ လှုပ်ရှားမှုတွေ ဆက်လုပ်မယ်။
ပြီးတော့ ကျမတို့ လှုပ်ရှားမှုနောက်တခုက ကမ္ဘာ့ကုလသမဂ္ဂကနေ တဆင့် ကော်မရှင်တခုကို ဖွဲ့ပြီးတော့ မြန်မာစစ်အစိုးရကို ထိရောက်တဲ့ အရေးယူမှု လုပ်ဖို့ တောင်းဆိုတယ်။ အဲဒါကတော့ Crime against Humanity (လူသားတွေအပေါ် ရာဇ၀တ်မှု ကျူးလွန်တာကို ဆန့်ကျင်တဲ့) အဖွဲ့ ပေါ့။ ။
ဆက်ဗ်ှ...
ကလေင်သရောပ်ထောံ...
ဝီရ / ၄ သြဂုတ် ၂၀၀၉ (ခေတ်ပြိုင်သတင်း)
နယ်ခြားစောင့်တပ်အဖြစ် အသွင်ပြောင်းရန် နအဖစစ်အစိုးရ၏ ကမ်းလှမ်းချက်ကို မွန်ပြည်သစ်ပါတီက ပယ်ချလိုက်ပြီး မွန်အမျိုးသားတို့အတွက် မြင်သာသည့်အခွင့်အရေး တစုံတရာ မတွေ့ရသမျှ ၎င်း၏တပ်ဖွဲ့အား မည်သည့်အခါမျှ အသွင်ပြောင်းလိမ့်မည်မဟုတ်ဟု ပြောဆိုလိုက်သည်။
ပါတီ၏ ဗဟိုအလုပ်မှုဆောင်ကော်မတီဝင်တဦးက “နယ်ခြားစောင့်တပ်အဖြစ် အသွင်ပြောင်းဖို့ နအဖရဲ့တောင်းဆိုတာကို လုံးဝ လက်မခံနိုင်ဘူးလို့ ကျနော်တို့ဗဟိုကော်မတီဝင် အစည်းအဝေးက ဆုံးဖြတ်ခဲ့တယ်။ တိုင်းရင်းသားတွေရဲ့အရေးကို အရင် မဖြေရှင်းဘဲ တဖက်သတ် ကျင်းပမယ့် နအဖတို့ရဲ့ ၂၀၁၀ ရွေးကောက်ပွဲက အမျိုးသားပြန်လည်သင့်မြတ်ရေးဆီကို ဦးတည်နေတာမဟုတ်ဘဲ မြန်မာ့နိုင်ငံရေးအတွက် အဆိုးဘက်ကိုသာ ဦးတည်နေတယ်။ ဒါကြောင့် ပါတီအနေနဲ့ ဒီရွေးကောက်ပွဲကို ပါဝင်ယှဉ်ပြိုင်မှာ မဟုတ်ဘူးလို့ ဆုံးဖြတ်တယ်။ တပ်ဖွဲ့အသွင်ပြောင်းဖို့ နအဖတို့ကမ်းလှမ်းထားတဲ့ ဌာနေပြည်သူ့စစ်အဖွဲ့အဖြစ်ကိုလည်း လက်မခံပါဘူး” ဟု ခေတ်ပြိုင်သို့ ပြောကြားသည်။
အဆိုပါဆုံးဖြတ်ချက်များအား ဇူလိုင် (၂၇) ရက်မှစ၍ ပါတီဗဟိုဌာနချုပ်တွင် (၆) ရက်ကြာ ကျင်းပခဲ့သည့် ပါတီဗဟိုကော်မတီဝင်များ၏ အရေးပေါ်အစည်းအဝေးမှ ဆုံးဖြတ်ခဲ့ခြင်းဖြစ်သည်။ ၎င်းတို့၏ မွန်အမျိုးသားလွတ်မြောက်ရေး တပ်မတော်အား လက်ရှိတည်နေရာအတိုင်း ဆက်လက်ထားရှိသွားမည်ဟုလည်း ထိုအလုပ်အမှုဆောင်ကော်မတီဝင်က ပြောသည်။
၎င်းက “ကျနော်တို့အပစ်ရပ်ကြတုန်းက နဝတရော၊ အခုအုပ်ချုပ်နေတဲ့ နအဖရော တရားဝင်အစိုးရ မဟုတ်သေးဘူး။ နောက်တက်လာမယ့် တရားဝင်အစိုးရနဲ့ဘဲ ဒီကိစ္စ (တပ်အသွင်းပြောင်းရေး) အတွက် ဆွေးနွေးသွားမယ်။ ၂၀၁၀ ရွေးကောက်ပွဲ ပြီးမြောက်လို့ တရားဝင်အစိုးရ တက်လာတဲ့အချိန်အထိ ကျနော်တို့တပ်ဖွဲ့တွေကို ဒီအရှိအတိုင်းပဲ ဆက်ထားသွားဖို့ ဆုံးဖြတ်လိုက်တယ်။ အပစ်ရပ်အဖွဲ့တွေကို ဖိအားပေးပြီး တပ်ဖွဲ့အသွင်ပြောင်းခိုင်းနေတာတွေကိုလည်း ရပ်တန့်ပေးပါ။ ကျနော်တို့ကို ရွေးကောက်ပွဲဝင်စေချင်ရင် ၂၀၀၈ ဖွဲ့စည်းပုံအခြေခံဥပဒေကို အတိုက်အခံအားလုံး၊ အင်အားစုအားလုံး ပါဝင်တဲ့ ပြန်လည်သုံးသပ်ရမယ့်အပိုင်းတွေကို အရင်လုပ်ပေးပါလို့ ကျနော်တို့တောင်းဆိုပါတယ်” ဟု ပြောကြားသည်။
တိုင်းရင်းသားလူမျိုးပေါင်းစုံ ချစ်ကြည်ညီညွတ်ရေးနှင့် ပြည်သူလူထု၏အကျိုးကို ရှေးရှုသောအားဖြင့် လက်ရှိဖြစ်တည်နေသည့် ငြိမ်းချမ်းရေးအတိုင်း ဆက်လက်တည်မြဲစေလိုသော်လည်း အပစ်အခတ်ရပ်စဲရေးသည် နအဖအပေါ်တွင်သာ မူတည်ကြောင်း မွန်ပြည်သစ်ပါတီက သတိပေးထားသည်။
တပ်ဖွဲ့အသွင်ပြောင်းရန် အခြားအပစ်ရပ်အဖွဲ့များအား နအဖက စစ်ရေးအရ ဖိအားပေးမှုများ ရှိသော်လည်း မွန်ပြည်သစ်ပါတီအား ယခုအချိန်အထိ အလားတူ ဖိအားပေးမှုမျိုး မရှိသေးကြောင်း သိရသည်။
ကျင်းပပြီးစီးသွားသည့် အရေးပေါ်အစည်းအဝေးမှ ပါတီ၏သဘောထားအား လာမည့်သြဂုတ် (၅) ရက်တွင် ကျင်းပမည့် မွန်အမျိုးသားတော်လှန်ရေးနေ့တွင် နအဖစစ်အစိုးရထံ တင်ပြသွားမည်ဖြစ်ကြောင်း အဆိုပါအလုပ်မှုဆောင်ကော်မတီဝင်က ရှင်းပြသည်။
မွန်ပြည်သူတို့၏ သဘောထားကိုလည်း အရေးပေါ်အစည်းအဝေး မတိုင်မီကာလများတွင် သွားရောက်ကောက်ယူခဲ့ရာ မြန်မာ့နိုင်ငံရေးပြဿနာရပ်များအား ပွင့်လင်းညင်သာသည့်နည်းဖြင့်သာ ဖြေရှင်းသွားရန် ပြည်သူအများစုက လိုလားကြသည်ဟု သိရသည်။
မွန်ပြည်သစ်ပါတီသည် ၁၉၉၅ ခုနှစ်တွင် စစ်အစိုးရနှင့် အပစ်အခတ်ရပ်စဲရေး ပြုလုပ်ခဲ့ပြီး ၎င်းတို့၏ တောင်းဆိုချက်များကို လက်မခံသဖြင့် ၂၀၀၅ ခုနှစ်တွင် စစ်အစိုးရ၏ အမျိုးသားညီလာခံသို့တက်ရောက်မှုအား ဖျက်သိမ်းခဲ့သည်။
ဆက်ဗ်ှ...
ကလေင်သရောပ်ထောံ...
မြန်မာ့နအဖ စစ်အစိုးရမှ အပစ်ရပ်အဖွဲ့တဖွဲ့ ဖြစ်သည့် မွန်ပြည်သစ် ပါတီအား နယ်ခြားစောင့် တပ်ဖွဲ့စည်းရန် ဖိအားပေးမှု အပေါ် မွန်ပြည်သစ် ပါတီက ပြတ်ပြတ်သားသား ပယ်ချလိုက်သည့်အတွက် ရခိုင် ခေါင်းဆောင်များက ကြိုဆိုခဲ့ကြသည်။
ရခိုင် ဒီမိုကရေစီ အဖွဲ့ချုပ် (ပြည်ပ) ဥက္ကဌ - လွှတ်တော်အမတ် ဦးထွန်းဝင်းက မွန်ပြည်သစ်ပါတီ ၏ ဆုံးဖြတ်ချက်မှာ အဖိနှိပ်ခံ မြန်မာတိုင်းရင်းသား ပြည်သူတရပ်လုံး၏ ဆန္ဒကိုရောင်ပြန်ဟပ် သော ဆုံးဖြတ်ချက် ဖြစ်သဖြင့်ကြိုဆိုရခြင်း ဖြစ်ကြောင်း ယခုကဲ့သို့ ပြောသည်။
"နယ်ခြားစောင့်တပ် ဖွဲ့ စည်းရေးကိုသာ လက်ခံ လိုက်ရင် လုံးဝ ဆုံးရှုံးမှု တွေနဲ့သာ ကြုံတွေ့ ရင်ဆိုင်ကြရမှာ ဖြစ်ပါတယ်။ မွန်ပြည်သစ် ပါတီက နအဖ နယ်ခြားစောင့် တပ်ဖွဲ့စည်းရေး အတွက် ဖိအား ပေးနေတာကို အခုလို ပြတ်ပြတ်သားသား ပယ်ချ လိုက်တာကို ကျွန်တော့် အနေနဲ့ လုံးဝ ထောက်ခံ ကြိုဆိုပါတယ်။ ဘာဖြစ်လို့လည်းဆိုတော့ ၁၉၉၀ ခုနှစ် ရွေးကောက်ပွဲ ရလာဒ်ကို ဖောက်ဖျက်ပြီး ၂၀၀၈ ခုနှစ်က ပြုလုပ်တဲ့ အတုယောင် ညီလာခံက ထွက်လာတဲ့ ဖွဲ့စည်း အုပ်ချုပ်ပုံနဲ့လုပ်မယ့် ၂၀၁၀ ရွေးကောက်ပွဲကို ကျွန်တော့် အနေနဲ့ လုံးဝ အယုံကြည်မရှိတဲ့ အတွက် ခုလို နယ်ခြားစောင့်တပ် ဖွဲ့စည်းပြီး ရွှေးကောက်ပွဲ ၀င်ပါဆိုတဲ့ နအဖတိုက်တွန်းချက်ကို သူတို့က ပယ်ချလိုက်တဲ့ အတွက် ဖြစ်ပါတယ်။"
ရခိုင်ဝါရင့် တော်လှန်ရေး ခေါင်းဆောင် တဦးဖြစ်သူရခိုင်ပြည် လွတ်မြောက်ရေးပါတီ ဒုဥက္ကဌ ခိုင်စိုးနိုင်အောင်ကလည်း သူအမြင်ကို ယခုကဲ့သို့ပြောသည်။
"အခုလို မွန်ပြည်သစ်ပါတီက ပယ်ချလိုက်တာက မွန်ပြည်နယ်နဲ့ မွန်လူမျိုးတွေ အတွက် အကျိုးမပါတဲ့ အတွက် ပယ်ချ လိုက်တာ ဖြစ်တယ်လို့ ယူဆပါတယ်။ မွန်ပြည်သစ် ပါတီနဲ့ မွန်အမျိုးသား တပ်မတော်ဟာ ကိုယ်ပိုင် ပြဌာန်းခွင့်နဲ့ စစ်မှန်သော ဖယ်ဒရယ် ပြည်ထောင်စု တည်ဆောက်ရေး အတွက် စွမ်းစွမ်းတမံ တိုက်ပွဲ ၀င်နေတဲ့ အဖွဲ့အစည်း ဖြစ်ပါတယ်။ သူတို့တိုက် ပွဲဝင်နေတာနဲ့ နဖအက တောင်းဆို အကျပ်ကိုင်နေတာဟာ လွဲချော်နေတဲ့ အတွက် ပယ်ချ လိုက်တာ ဖြစ်တဲ့အတွက် ကျနော်တို့ ကြိုဆိုကြရမှာ ဖြစ်ပါတယ်။"
ရခိုင် ရဟန်းပျိုများ သမဂ္ဂ ဥက္ကဌ အရှင်သီဟမှလည်း သူအမြင်ကို ယခုကဲ့သို့ ပြောသည်။
"အခုလို မွန်ပြည်သစ်ပါတီက နဖအ ဖိအားပေးတာကို ပယ်ချ လိုက်တဲ့အတွက် အတိုက်အခံ တိုင်းရင်းသား လက်နက်ကိုင် ပါတီတွေ အနေနဲ့ ၀မ်းသာ အားရစရာ ဖြစ်ပါတယ်။ နအဖ ဖွဲ့စည်းပုံကို လက်ခံ ထားကြတဲ့ အဖွဲ့စည်းတွေကလည်း နအဖရဲ့ တဖက်သတ် လုပ်ရပ် အပေါ် သိပ်ကျေနပ်ကြတာတော့ မဟုတ်ပါဘူး။ အခြေအနေ တခုခု အရ လက်ခံ ထားကြတာသာ ဖြစ်ပါတယ်။ တိုင်းရင်းသား အခွင့်အရေး ဆိုတာကလည်း ခုရေးဆွဲထားတဲ့ နအဖ ဖွဲ့စည်း အုပ်ချုပ်ပုံထဲမှာ ဘာမှ ပါတာ မဟုတ်ဘူး။ နှစ်ပေါင်းများစွာ တိုက်ပွဲ ၀င်လာခဲ့တဲ့ တိုင်းရင်းသားတွေ အနေနဲ့ အခွင့်အရေး ဘာမှ မပါတဲ့ ဖွဲ့စည်းပုံကိုသာ လက်ခံခဲ့ကြရင် တိုင်းရင်းသားတွေ အသက်သွေးချွေးတွေကို ပေးပြီး တိုက်ပွဲဝင်လာခဲ့တာဟာ ဘာမှ အကျိုးမရှိပါဘူး။ မွန်ပြည်သစ် ပါတီရဲ့ ဆုံးဖြတ်ချက်ကို နအဖ စစ်အစိုးရကလွဲပြီး မြန်မာပြည်သူတရပ်လုံးက ၀မ်းသာ အားရ ဖြစ်လိမ့်မယ်လို့ ဦးဇင်း ယုံကြည်ပါတယ်။"
ထိုင်းနိုင်ငံတွင် အခြေစိုက်သော ရခိုင်ပြည်လုံးဆိုင်ရာ ကျောင်းသားနှင့် လူငယ်များ အစည်းအရုံးမှ အထွေထွေ အတွင်းရေးမှူး ကို အောင်မင်းဦး မှ သူအနေနှင့် ထောက်ခံ ကြိုဆိုကြောင်း ယခုကဲ့သို့ ပြောသည်။
" အခုလိုပယ်ချ လိုက်တာက ကောင်းပါတယ်။ ဖြစ်လည်းဖြစ်ထိုက် ပါတယ်။ တခြားအဖွဲ့အစည်း တွေ အနေနဲ့ လည်း အခုလို ဖြစ်စေချင် ပါတယ်။ နအဖက နယ်ခြားစောင့်တပ် ဖွဲ့စည်းဖို့ကမ်း လှမ်းတာကို လက်ခံကြတဲ့ အဖွဲ့တွေအတွက်လည်း ဘာမှအကျိုး မရှိပါဘူး။ ခုလို မွန်ပြည် သစ်ပါတီ အနေနဲ့ နအဖရဲ့ အကျပ်ကိုင် ဖိအားပေးမူကို ပယ်ချလိုက်တဲ့အတွက် နအဖရဲ့ ဖိအားပေးမှုတွေကို ခံလာ ရနိုင်တယ်။ ဒါပေမယ့်လည်း နိုင်ငံရေးအရ ဘာမှအကျိုးမရှိတာကို လက်မခံဘဲ ပယ်ချလိုက်တဲ့ အတွက် ဒါကို အကောင်းဘက်က ကျနော်တို့ ရှု့မြင် သုံးသပ်ပါတယ်။"
မွန်ပြည်သစ် ပါတီကို နအဖမှ နယ်ခြားစောင့်တပ် ဖွဲ့စည်းရန် အကျပ်ကိုင်ဖိအားပေးမူ အပေါ် မွန်ပြည်သစ်ပါတီက ပယ်ချလိုက်ခြင်းနှင့် ပတ်သက်ပြီး ရခိုင်ခေါင်းဆောင်များ၏ သဘောထား အမြင်များ ဖြစ်ပါသည်။ <<Source>>
ဆက်ဗ်ှ...
ကလေင်သရောပ်ထောံ...
ဝီရ / ၃၀ ဇန်န၀ါရီ ၂၀၀၉
ခေတ်ပြိုင်သတင်း
ပြီးခဲ့သည့် ၂၀၀၈ ခုနှစ်က စစ်အစိုးရ အတည်ပြုခဲ့သော ဖွဲ့စည်းပုံအခြေခံဥပဒေမူကြမ်းကို ထပ်မံပြင်ဆင်ဖြည့်စွက်ခြင်းများ မလုပ်ဆောင်ပါလျှင် ၎င်းတို့ကြီးမှူးကျင်းပမည့် ၂၀၁၀ ရွေးကောက်ပွဲကို လက်နက်ကိုင် အပစ်ရပ်အဖွဲ့အစည်းကြီးတဖွဲ့ဖြစ်သည့် မွန်ပြည်သစ်ပါတီ အပါအဝင် မွန်တိုင်းရင်းသားကိုယ်စားပြု နိုင်ငံရေးပါတီတို့က ပူးပေါင်းပါဝင်မည်မဟုတ်ကြောင်း သိရသည်။
ယခုလ (၁၇) ရက်နေ့က ကျင်းပပြီးစီးခဲ့သော မွန်ပြည်သစ်ပါတီ၏ သတ္တမအကြိမ်မြောက် ပါတီညီလာခံ၌ ၂၀၁၀ ရွေးကောက်ပွဲနှင့် ပတ်သက်၍ ဆုံးဖြတ်ခဲ့ရာတွင် မွန်ပြည်သူတို့အတွက် အကျိုးရှိသည့် ရွေးကောက်ပွဲ မဟုတ်သောကြောင့် မိမိပါတီအနေဖြင့် ဝင်ရောက်အရွေးခံမည် မဟုတ်ကြောင်း ပါတီပြောခွင့်ရပုဂ္ဂိုလ် နိုင်ငံခြားမဟာမိတ်ဆက်ဆံရေးရုံး တာဝန်ခံ နိုင်အောင်မငေးက ပြောသည်။
၎င်းက “ကျနော်တို့ပါတီက ဒီအခြေခံဥပဒေမူကြမ်းကို ဖြည့်စွက်တာတွေ၊ ပြင်ဆင်တာတွေ အဆိုပြုတာလည်း နအဖတို့က လျစ်လျူရှုခဲ့တယ်၊ ပယ်ချခဲ့တယ်။ ပြီးတော့ ဒီဥပဒေမူကြမ်းဟာ မွန်ပြည်သူတွေအတွက် အကျိုးမရှိဘူးလို့ ကျနော်တို့ သုံးသပ်ဆွေးနွေးကြပြီး ပါတီရဲ့ညီလာခံမှာ ရွေးကောက်ပွဲ မဝင်ရေး ဆုံးဖြတ်ချက်ကို ချခဲ့တာ ဖြစ်တယ်။ နအဖ အနေနဲ့ အခြေခံဥပဒေမူကြမ်းကို ပြင်ဆင်သင့်တာတွေ ပြင်ဆင်ပေးမယ်ဆိုရင် ကျနော်တို့ ပါတီက ဒါကို ပြန်စဉ်းစားပေးမယ်” ဖြစ်ကြောင်း ပြောကြားသည်။
မွန်ပြည်သစ်ပါတီသည် တိုင်းရင်းသားအခွင့်အရေးအတွက် မြန်မာနိုင်ငံ စစ်အစိုးရအဆက်ဆက်နှင့် (၃၆) နှစ်ကြာ စစ်ခင်းတော်လှန်ခဲ့ပြီး နိုင်ငံရေးပြဿနာများကို နိုင်ငံရေးနည်းအရ ဖြေရှင်းရန် လွန်ခဲ့သော (၁၄) နှစ်ခန့်က အပစ်အခတ်ရပ်စဲထားသည့် အင်အားကြီး တိုင်းရင်းသားလက်နက်ကိုင်အဖွဲ့အစည်းဖြစ်ပြီး ၎င်းတို့၏ လက်အောက်ခံ မွန်အမျိုးသားလွတ်မြောက်ရေးတပ်မတော်ကိုလည်း စစ်အစိုးရလက်အောက်ခံတပ်အဖြစ် ဝင်ရောက်ခိုင်းသည်ဖြစ်စေ၊ လက်နက်ချခိုင်းသည်ဖြစ်စေ လက်ခံလိမ့်မည် မဟုတ်ကြောင်း ၎င်းတို့၏ ညီလာခံမှ ဆုံးဖြတ်ခဲ့သည်။
၁၉၉၀ ပြည့်နှစ် ရွေးကောက်ပွဲတွင် အမတ် (၅) နေရာ အနိုင်ရရှိခဲ့သည့် မွန်အမျိုးသားဒီမိုကရေစီအဖွဲ့ကလည်း မွန်ပြည်သစ်ပါတီ၏ ယင်းဆုံးဖြတ်ချက်ကို ထောက်ခံအားပေးပြီး အကယ်၍ နအဖအနေဖြင့် ၂၀၁၀ ရွေးကောက်ပွဲ မတိုင်မီ သုံးပွင့်ဆိုင် တွေ့ဆုံဆွေးနွေးပြီး ဥပဒေမူကြမ်း အသစ်တစ်ရပ် ပြန်လည်ရေးဆွဲမည်ဆိုပါက ပူးပေါင်းပါဝင် မည်ဟု အဖွဲ့၏ ဒု-ဥက္ကဋ္ဌ ဖြစ်သူ နိုင်ငွေသိမ်းက ခေတ်ပြိုင်သို့ ပြောကြားသည်။
“မွန်ပြည်သစ်ပါတီရဲ့ ယခုလို ရွေးကောက်ပွဲ မဝင်ရေး ရပ်တည်ချက်ကို ကြိုဆိုတယ်။ ဒီ ၂၀၀၈ အခြေခံ ဥပဒေမူကြမ်းကို မသုံးဘဲ ဥပဒေမူကြမ်းအသစ်တရပ်အတွက် တိုင်းရင်းသားတွေနဲ့၊ ဒီမိုကရေစီအင်အားစုတွေနဲ့ နအဖတို့က ဆွေးနွေးပြီး ပြန်လည်ရေးဆွဲကြရင် ကျနော်တို့အဖွဲ့ကလည်း ဝင်ရောက်ပူးပေါင်းမယ်။ ဒီ ၂၀၀၈ ဥပဒေမူကြမ်းကို မပြင်ဆင်သရွေ့တော့ ကျနော်တို့လည်း ၂၀၁၀ မှာ ဝင်ရောက်အရွေးခံမှာ မဟုတ်ဘူး” ဟု ပြောကြားသည်။
ထို့အတူ မွန်အမျိုးသားဒီမိုကရေစီအဖွဲ့ (လွတ်မြောက်နယ်မြေ) နှင့် မွန်သံဃာတော်အရှင်သူမြတ်တို့ကလည်း မွန်ပြည်သစ်ပါတီ၏ ရပ်တည်ချက်ကို ကြိုဆိုထောက်ခံကြသော်လည်း ယင်းရပ်တည်ချက်သည် မွန်ပြည်သစ်ပါတီ နှင့် စစ်အစိုးရအကြား အပစ်အခတ်ရပ်စဲရေး သဘောတူညီမှု ပျက်ပြယ်သွားနိုင်သောကြောင့် စိုးရိမ်ကြောင့်ကြနေ သည့် ပြည်သူအများစုလည်း ရှိကြကြောင်း သိရသည်။
မွန်ပြည်သူတို့၏ လေးစားကြည်ညိုခြင်း ခံရသော မွန်ပြည်နယ်မှ ဆရာတော်တပါးကမူ “မွန်ပြည်သစ်ပါတီရဲ့ ယခုလိုရပ်တည်ချက်ကို ထောက်ခံတယ်။ ဒါပေမယ့် အပစ်အခတ်ရပ်စဲရေး ပျက်သွားတဲ့အထိ ဖြစ်သွားရင်တော့ ပြည်သူလူထုရဲ့ အကျိုးစီးပွား၊ ဖွံ့ဖြိုးရေးလုပ်ငန်းတွေနဲ့ အခြေခံပညာရေးဆိုင်ရာ အခွင့်အရေးတွေကိုတော့ ပြန်လည်ဆုံးရှုံးမှာ သေချာတယ်” ဟု မိန့်ကြားသည်။
သို့သော် မွန်ပြည်သစ်ပါတီကမူ အပစ်အခတ်ရပ်စဲရေးကို မိမိတို့ပါတီဘက်မှ အရင် ဖျက်ဆီးရန် အစီအစဉ်မရှိကြောင်းနှင့် အပစ်အခတ်ရပ်စဲရေးကို ဆက်လက် ထိန်းသိမ်းသွားရန် နှစ်ဖက်စလုံးတွင် တာဝန်ရှိကြောင်း နိုင်အောင်မငေးက ပြောကြားသည်။
၎င်းက ဆက်လက်၍ “ကျနော်တို့ပေါ်လစီ(မူဝါဒ)က မွန်လူမျိုးတွေအတွက် အာမခံချက် တခုခု မရမချင်း လက်နက် မဖျက်သိမ်းဘူး၊ လက်နက်မချဘူး၊ ပါတီကို အဖျက်သိမ်းမခံဘူး။ စစ်အစိုးရဘက်က လက်နက်ဖျက်သိမ်းခိုင်းတာပဲဖြစ်ဖြစ်၊ လက်နက်ချခိုင်းတာပဲဖြစ်ဖြစ် ဖိအားပေးလာရင် အခြားမွန်အဖွဲ့အ စည်းတွေနဲ့ မွန်သံဃာတော်တွေ၊ မွန်ပြည်သူလူထုတွေဆီက အကြံဥာဏ်တွေကို တောင်းခံပြီး အဲ့ဒီအပေါ်မှာ အခြေခံပြီး ကျနော်တို့ပါတီက ဆုံးဖြတ်ချက်ချမယ်” ဟု ပြောကြားသည်။
မွန်ပြည်သစ်ပါတီအား လက်နက်ချရန်၊ လက်နက်အပ်ရန် ဖိအားပေးမည်မဟုတ်ကြောင်း အရှေ့တောင်တိုင်းစစ်ဌာနချုပ် တိုင်းမှူး ဗိုလ်ချုပ် သက်နိုင်ဝင်းက ၂၀၀၈ ခုနှစ် အောက်တိုဘာလတွင်းက ယင်းပါတီနှင့် နောက်ဆုံးတွေ့ဆုံခဲ့စဉ်က ကတိပေးခဲ့ကြောင်း ကြားသိရသည်။
အပစ်ရပ်တိုင်းရင်းသားပါတီအသိုင်းအဝန်းများမှ လာသောသတင်းအရ ၎င်းတို့တောင်းဆိုနေသော အခွင့်အရေးတို့ကို နောက်တက်လာမည့် အစိုးရတွင်သာ တင်ပြကြရန် လက်ရှိစစ်အစိုးရက ပြန်လည် အကြောင်းပြန်ခဲ့သည်ကို ထောက်ရှုခြင်းဖြင့် စစ်အစိုးရအနေဖြင့် အပစ်ရပ်အဖွဲ့အစည်းများကို ဤအတိုင်း ဆက်လက်ထိန်းသိမ်းသွားရန် ဆန္ဒရှိကြောင်းနှင့် အပစ်အခတ်ရပ်စဲရေး သဘောတူညီချက်ကို မဖျက်ဆီးလိုကြောင်း ဆိုကြသည်။
မွန်ပြည်သစ်ပါတီသည် စစ်အစိုးရ ကြီးမှူးကျင်းပသော အမျိုးသားညီလာခံသို့ ဗဟိုကော်မတီဝင်အဆင့် တက်ရောက်ခဲ့ရာမှ ၂၀၀၅ ခုနှစ်ကစ၍ လေ့လာသူအဆင့်သာ ဆက်လက်စေလွှတ်ခဲ့သည်။
ဆက်ဗ်ှ...
ကလေင်သရောပ်ထောံ...
